2019an, ARMA PLAZA Fundazioak Enrike Lekuona I. Bekaren deialdia egin zuen, Hondarribiko historiarekin, zehazki, ITSASOArekin zerikusia zuten alderdiak aztertzen zituzten ikertzaileentzat.

2023an, Hondarribiko Portua auzoan dagoen Santa Maria Magdalena elizaren inaugurazioaren mendeurrena bete zen. Eliza horren aurrekaria izen bereko ermita bat izan zen, auzoan bertan kokatua, eta tenplu berriaren irekieraren geroztik hura erabiltzeari utzi zioten herritarrek.

Santa Maria Magdalena elizaren 100. urteurrena dela eta, ARMA PLAZA Fundazioak Santa Maria Magdalena. Eliza bat, hainbat istorio liburua argitaratu zuen 2024ko abenduan, Mikel Jauregi Berrotaran «Muxarra» hondarribiar eta ikertzaile autonomoak idatzia.

Liburuak tenpluaren bilakaera erregistratzen du, ermita gisa izan zuen iraganetik eliza gisa gaur egun izan duen eboluzioraino, eta bere historia, kronologia, tradizioa, funtzionamendua, hornidura, erlijio-funtzioak eta mota askotako mugarriak barne hartzen ditu.

Egileak Santa Maria Magdalenak Hondarribian duen garrantziaz jabetu zenean, izan ere auzoei, kaleei, arkitektura-elementuei (harresiaren kuboa eta bastioia), ontziolei, kaiei, dendei edo eskolei izena ematen die ―herriko jaiak bezalako elementu etnografikoekin duen lotura ez aipatzearren―, bere hasierako anbizioa, tenplua ardatz zuena, handitu zen, eliza hartzen duen auzoa eta Santa Maria Magdalenari lotutako hiriaren beste ezaugarri horiek barne hartzeko.

Hemen, Hondarribiko hiriaren historia eta tradizioaren barrenako sarraldia proposatzen da, bereziki Santa Maria Magdalena elizari buruzkoa baina baita herriak oro har izen bereko santuarekin duen loturari dagokienez ere. Ez da azterketa eztabaidaezina, baizik eta sakonago landu beharreko ikerketa-bideen hazitegi bat.

Liburu hau Hondarribia eta Irungo artxibo historikoetan, Donostiako Elizbarrutiarenean eta Hondarribiko liburutegian, besteak beste, egindako ikerketa luzearen emaitza da, baita landa-lan dedikatuaren emaitza ere, argitalpena ilustratzen dituzten argazki asko idazleak berak egindakoak baitira.

• Izenburua: Santa Maria Magdalena. Eliz bat, hainbat istorio
• Egileak:  Mikel Jauregi Berrotaran «Muxarra»
• Argitaratzen du: ARMA PLAZA Fundazioak, Hondarribia  (Gipuzkoa)
• Urtea: 2024
• Hizkuntzak:  euskara (gaztelaniaz ere eskuragarri)
• Orrialde-kopurua: 410 orrialde
• ISBN: 978-84-09-61810-1